Preséntase
o Club de Ciencias como un espazo de
aprendizaxe baseado na indagación e a manipulación, no que alumnado aprenderá
facendo. Implulsando as vocacións STEM e espertando a motivación do noso alumnado.
Partiremos
do método científico para resolver as tarefas propostas. Como elemento
motivador empregarase a gamificación ou ludificación. A narrativa é a seguinte:
Os nosos alumnos/as convertiránse en biólogos que
terán diferentes misións como a de analizar problemas relacionados
coa protección das especies animais e o
coidado do seu medio, garantindo así un
desenvolvemento sostible.
Todas as actividades que se leven a cabo serán relacionadas
co noso proxecto de centro sobre os animais, elexido polo noso alumnado a
través do seu órgano de participación “O Consello dos Nen@s”.
Estas propostas de traballo desenvolverán todas
as competencias prestando un especial fincapé na de ciencia e tecnoloxía, Entre
outros ámbitos que abordaremos, centrarémonos nos Sistemas biolóxicos, propios dos seres vivos dotados dunha
complexidade orgánica que é preciso
coñecer para preservalos
e evitar a súa
deterioración. Forma parte esencial
desta dimensión competencial o
coñecemento de canto afecta á alimentación, hixiene e saúde individual
e colectiva, así como
a habituación a condutas
e adquisición de valores
responsables para o ben común inmediato e do planeta na súa globalidade.
Coas experiencias que realicemos trataremos de impulsar as
“vocacións STEM” en todos os seus ámbitos tendo en conta as inquedanzas do
alumnado e fomentando en todo momento a súa creatividade. Así como dar
continuidade ao proxecto de centro iniciado o curso anterior, dun xeito máis
práctico,“Un proxecto de ciencia e
tecnoloxía cheo de vida” (http://cienciaetecnoloxiacheodevida.blogspot.com).
No hay comentarios:
Publicar un comentario