SESIÓN ABRIL-MAIO 2024

As experiencias que se desenvolveron estiveron relacionadas coa proporción auréa e a sucesión Fibonacci, experimentando esta en diferentes elementos naturais: crecemento das follas dalgunhas plantas, nos pétalos dalgunhas flores. Atopamos tamén a proporción da espiral nas cunchas do Nautilus.

CONCLUSIÓNS: A temática a traballar no transcurso desta sesión despertou moita curiosidade e interese entre o alumnado asistente, estiveron moi entretidos analizando a sucesión Fibonacci en elementos naturais.

SESIÓN FEBREIRO 2024

                                                                   MAGNESTISMO

    

    As experiencias que se levaron a cabo estiveron relacionados co magnetismo. O alumando no transcurso desta sesión elaborou paso a paso unha estructura con paus de madeira para finalmente experimentar o efecto que provocaba o imán sobre os alfileres que se atopaban na parte superior da estructura previamente fabricada.

    MATERIAIS: imán, alfinetes, fío, paus de madeira, lapis, pistola de silicona e tesoiras.

   CONCLUSIÓNS: O alumnado manifestouse moi entretido no proceso de elaboración da base de madeira quedando abraiados co resultado final ao comprobar o efecto que xenera o imán sobre esta 
estructura. 

SESIÓN XANEIRO 2024

 

As experiencias que foron levadas a cabo estiveron relacionadas coa temática das máquinas simples, concretamente a polea. O primeiro taller do ano 2024 consistiu en descubrir o funcionamiento dunha máquina simple: A polea. Tras unha breve explicación sobre o seu funcionamento, a rapazada tivo que crear a súa propia polea con materiais de refugallo.

MATERIAIS: pistolas de silicona, lapis, tesoiras, punzón, cola, cartón, tubo de cartón .

CONCLUSIÓNS:  segue a gran afluencia de rapazada, que ven moi motivada a actividade. Cando ven o funcionamento dun modelo de polea previamente elaborado, emocionanse moito por querer elaborar a súa. O compañeirismo segue a ser o protagonista da sesión.

SESIÓN DECEMBRO 2023

 

Despedimos o primeiro trimestre cunha xornada moi entretida na cal contamos coa presenza de David Ballesteros.

CONCLUSIÓNS: Os experimentos que se levaron a cabo nesta última xornada do trimestre despertaron moito interese na rapazada o que fixo que estivesen moi motivados e participativos.

SESIÓN NOVEMBRO 2023

 CÍRCULO DE NEWTON E LENTERNA CON CD

As experiencias que se levaron a cabo na segunda sesión do club de ciencias xiraron entorno ó círculo de newton. O segundo taller do curso consistía en ensinarlles as cores das que está composta a luz. Primeiro experimentamos cunha roda de cores para entender cómo se forma a luz con estas cores, e na segunda parte fixemos o paso contrario de descompoñer a luz en todalas súas cores, usando un CD como soporte.

MATERIAIS: cartolina, lapis, tesoiras, cinta adhesiva, punzón, cola, un debuxo, unha linterna e un CD.

CONCLUSIÓNS: multitudinaria afluencia de rapazada da escola. Tralo éxito da primeira sesión, nesta segunda tivemos un aumento dun 20% de alumnado. O alumnado participa moito nas interaccións que se lle propoñen, e traballan solicitando axuda cando a precisan. O ambiente e moi bo e vese moito compañeirismo xa que uns axudan ós outr@s.

SESIÓN OUTUBRO 2023

 PIRÁMIDE HOLOGRÁFICA

Comezamos a xornada cunha motivación inicial, inaugurando o comezo do club de cencias. Para iso, colocámonos en gran grupo, presentamos ó profesorado que traballará no club de ciencias ao longo do curso e distribuímos as batas. Asimesmo, comentamos cómo vai ser o transcurso desta primeira xornada.

As experiencias que se levaron a cabo estiveron guiadas polas mestras nos pequenos grupos de traballo. O primeiro taller do curso consistía en ensinarlles as nosas e os nosos pequenos científicos a crear unha ilusión óptica usando unha pequena pirámide construida por elas e eles. 

MATERIAIS: Acetato, cartolina negra, rotulador, regra, tesoiras, cinta adhesiva e tableta dixital.
CONCLUSIÓNS: A expectación por parte do alumnado era máxima ante a primeira actividade o que facilitou moito o desenvolvememto da sesión. 

SESIÓN MAIO 2023

 

As experiencias que se desenvolveron estiveron relacionadas coa temática da auga. Os diferentes experimentos que fixemos foron un total de catro. Todo isto repartiuse en estacións nas que se dividiu ao alumnado en 4 grupos mixtos nos que facían ese experimento e despois rotaban cara ó seguinte, así ata que pasaban por todos os experimentos. 

 

CONCLUSIÓNS: esta derradeira xornada fíxose moi amena para o noso alumnado posto que a auga por si mesma sempre é causa de motivación. Na tensión superficial da auga o alumnado puido investigar a magnitude da forza que controla a forma do líquido. No experimento da refracción da luz observaron como cambiaba a dirección dun raio de luz ao pasar oblicuamente dun medio a outro. O experimento do arco da vella o alumnado desfrutouno moito e ao final derivou en realizar outro con CD’s no que observaban como a luz branca propagaba todas as cores do arco da vella. No derradeiro experimento fixemos un tornado de auga e xogamos coas burbullas de xabón.