SESIÓN NOVEMBRO 2024

 O 27 e 28 de novembro tivemos sesión do Club de Ciencia.

Na seguinte sesión do Club de Ciencia continuamos traballando coas reaccións químicas, esta vez con propostas moi creativas e divertidas.

Os experimentos que fixemos foron:

1. Facer slime: mesturamos cola branca con bórax (ou solución activadora) para crear slime, un material elástico que cambia de textura grazas a unha reacción química.

2. Pegatinas para fiestras: usamos cola e colorantes para facer figuras que, unha vez secas, se poden pegar e despegar dos cristais. Unha maneira divertida de ver como a mestura cambia ao secar.

3. Pintura sobre sal: debuxamos con cola sobre cartolina, botamos sal por riba e despois pintamos cun pincel mollado en colorante. A cor espállase polo sal creando efectos moi vistosos, grazas á capilaridade e ás propiedades do sal.

Estes experimentos axudáronnos a ver que as reaccións químicas tamén poden formar parte do mundo da arte e da creatividade.

SESIÓN OUTUBRO 24

 O 29 e 30 de outubro comezamos o Club de Ciencia deste curso.

Esta semana, no Club de Ciencia, propuxémonos aprender sobre algúns procesos químicos importantes, e fixémolo con tres experimentos moi interesantes.

Os experimentos que propuxemos foron:

1. A fotosíntese e o osíxeno: puxemos unha planta e unha vela dentro dun recipiente de cristal pechado. Observamos que a vela tardaba máis en apagarse cando estaba coa planta, porque esta producía osíxeno grazas á fotosíntese.

2. Bioplástico caseiro: mesturamos fariña de millo (maicena), vinagre, auga e xlicerina, e quentamos a mestura ata formar unha masa plástica. Así vimos como se pode crear un material parecido ao plástico, pero biodegradable.

3. Vinagre con bicarbonato: ao mesturar estes dous ingredientes, observamos unha reacción química que produce gas (dióxido de carbono), xerando burbullas e escuma.

Estes experimentos axudáronnos a entender como ocorren as reaccións químicas e tamén como a ciencia pode axudar a coidar o medio ambiente.

¡Divertímonos moito e seguiremos experimentando!

SESIÓN XUÑO 2024

 

As experiencias que se desenvolveron estiveron relacionadas coa temática da auga.Tivemos un total de 3 propostas:

O alumnado foi rotando polas diferentes estacións en grupos mixtos.

CONCLUSIÓNS: esta derradeira xornada resultou moi motivadora para a rapazada xa que as actividades relacionadas con auga nesta época do ano despertan moito interese. Apreciouse unha boa participación entre o alumnado así como tamén traballo en equipo, especialmente, no xogo das botellas de auga, onde o compañerismo era a clave para transportar a máxima cantidade de auga posible ó outro extremo.

Compartimos por aquí algúns dos momentos da xornada.

SESIÓN ABRIL-MAIO 2024

As experiencias que se desenvolveron estiveron relacionadas coa proporción auréa e a sucesión Fibonacci, experimentando esta en diferentes elementos naturais: crecemento das follas dalgunhas plantas, nos pétalos dalgunhas flores. Atopamos tamén a proporción da espiral nas cunchas do Nautilus.

CONCLUSIÓNS: A temática a traballar no transcurso desta sesión despertou moita curiosidade e interese entre o alumnado asistente, estiveron moi entretidos analizando a sucesión Fibonacci en elementos naturais.

SESIÓN FEBREIRO 2024

                                                                   MAGNESTISMO

    

    As experiencias que se levaron a cabo estiveron relacionados co magnetismo. O alumando no transcurso desta sesión elaborou paso a paso unha estructura con paus de madeira para finalmente experimentar o efecto que provocaba o imán sobre os alfileres que se atopaban na parte superior da estructura previamente fabricada.

    MATERIAIS: imán, alfinetes, fío, paus de madeira, lapis, pistola de silicona e tesoiras.

   CONCLUSIÓNS: O alumnado manifestouse moi entretido no proceso de elaboración da base de madeira quedando abraiados co resultado final ao comprobar o efecto que xenera o imán sobre esta 
estructura. 

SESIÓN XANEIRO 2024

 

As experiencias que foron levadas a cabo estiveron relacionadas coa temática das máquinas simples, concretamente a polea. O primeiro taller do ano 2024 consistiu en descubrir o funcionamiento dunha máquina simple: A polea. Tras unha breve explicación sobre o seu funcionamento, a rapazada tivo que crear a súa propia polea con materiais de refugallo.

MATERIAIS: pistolas de silicona, lapis, tesoiras, punzón, cola, cartón, tubo de cartón .

CONCLUSIÓNS:  segue a gran afluencia de rapazada, que ven moi motivada a actividade. Cando ven o funcionamento dun modelo de polea previamente elaborado, emocionanse moito por querer elaborar a súa. O compañeirismo segue a ser o protagonista da sesión.